Domingo 10/03/13. Hora: 12:00 Lugar: Pavillón Municipal Lavadores

Último partido desta liga e que non soubemos aproveitar. O primeiro foi sen dúbida o mellor dos cuartos que xogamos. Comezamos con forza inaugurando o marcador e estando por diante case todo o tempo. Atacamos e defendemos ben, non obstante non puidemos evitar que o contrario avanzase, nos empatase e se adiantase por un gol nos últimos segundos do tempo. Oscar moi ben na portaría e gozamos dos goles de Mateo e Toño.

No segundo cuarto estivo David na portaría, que o fixo fenomenal con moi boas paradas, non obstante non puidemos impedir que o contrario se impuxese no marcador. Varios tiros a porta que non encaixamos, só un de Toño.
No terceiro e cuarto cuartos non soubemos nin puidemos parar o avance dos rapaces do Lavadores, o que se notou nos marcadores. Aínda así, intentámolo numerosas veces con moitos tiros a porta, aínda que nos  faltou un pouco de forza. Destacar a soltura e confianza que están a demostrar Carla e Ursula nos extremos.
Estamos moi orgullosos de vós rapaces!!!

La S.D. Teucro agradece el trabajo desinteresado de padres y aficionados de redactar y confeccionar estas crónicas, sabemos de su dificultad, redactadas siempre bajo el punto de vista y opinión de su autor, el club solamente las traslada y cede este espacio libremente a sus autores, no manifestándose sobre las mismas, pudiendo estar o no de acuerdo, gracias por mantener vivo el balonmano azul.

Álbum Completo

Domingo 03/03/13. Hora: 10:00 Lugar: Pavillón  Multiusos A Xunquiera

Partido de volta contra o BM Cisne, no que claramente se notou a superioridade do noso rival.
Aínda que os nosos rapaces deron o mellor de si e esforzáronse ao máximo, non puideron superar a rapidez e picardía do xogo contrario, que aproveitaron tiros longos aos seus xogadores estratexicamente desmarcados no noso campo para así lograr encaixar goles.

Estivemos baixos en defensa e en ataque, con moi poucos tiros a porta e non fomos capaces de desmarcarnos do contrario.
Destacable neste partido as boas paradas de David e Mario na portaría. En canto aos goles que encaixamos, dous bonitos goles de Toño e felicitar a Carlita por marcar o seu primeiro gol na liga, o que nos emocionou a todos.
Moi ben rapaces, estamos convosco!!!

La S.D. Teucro agradece el trabajo desinteresado de padres y aficionados de redactar y confeccionar estas crónicas, sabemos de su dificultad, redactadas siempre bajo el punto de vista y opinión de su autor, el club solamente las traslada y cede este espacio libremente a sus autores, no manifestándose sobre las mismas, pudiendo estar o no de acuerdo, gracias por mantener vivo el balonmano azul.

Sábado 23/02/13. Hora: 10:30 Lugar: Pavillón Municipal Lalín Arena P1

Bonito partido no que, aínda que perdemos, gozamos coa calidade de xogo das rapazas de Lalín, que o fixeron moi ben, e coas ganas de mellorar que día a día nos demostran nosos/as rapaces/as, que se esforzaron moito durante todo o partido, especialmente no primeiro e no último cuartos, aínda que lles puido a presión de xogar co segundo clasificado da táboa.

O mellor do encontro foi o primeiro cuarto, no que loitamos de igual a igual, mesmo coa sensación e ilusión durante un tempo de que poderiamos gañalo. Boas paradas de Alba na portaría e moitos tiros a porta, aínda que algúns sen moita forza ou directo ás mans da porteira contraria, e tres goles que encaixamos, o primeiro de Toño e os outros dous de Yago.

No segundo cuarto intentámolo moitas veces, pero non puido ser, non concretamos ningún dos tiros que fixemos, e aínda que melloramos moito en defensa tampouco puidemos impedir o avance e ataque do contrario, que conseguiu gañar comodamente este tempo.

No terceiro cuarto repetimos o mesmo resultado no marcador que no anterior tempo. Atacamos pouco, pero dúas moi boas xogadas de Mario fixéronnos levantar do asento, aínda que lamentablemente non chegaron a converterse en gol. Yago realizou boas paradas, pero non puido impedir o avance das rapazas de Lalín, que moitas veces chegaban soas á nosa portaría ao estar algunha delas sempre desmarcada na nosa área.
O último cuarto xogámolo con moitas ganas, pero non podo ser. Volvemos atacar con máis frecuencia, pero ao contrario seguiulle funcionando a técnica de ter unha xogadora desmarcada preto da nosa portaría para lograr subir o seu marcador. Aínda así, tivemos a satisfacción do bonito gol de Toño, que lanzou polo ángulo dereito da portaría.
Seguide así. Estamos moi orgullosos de vós.

La S.D. Teucro agradece el trabajo desinteresado de padres y aficionados de redactar y confeccionar estas crónicas, sabemos de su dificultad, redactadas siempre bajo el punto de vista y opinión de su autor, el club solamente las traslada y cede este espacio libremente a sus autores, no manifestándose sobre las mismas, pudiendo estar o no de acuerdo, gracias por mantener vivo el balonmano azul.

Álbum Completo